|
19.09.2012, 16:08 За 10 отсто намалена цената на огревното дрво
Владата донесе одлука за намалување на цената на огревното дрво за физичките лица во претстојната грејна сезона. Владиниот портпарол Александар Ѓорѓиев денеска соопшти дека за 10 проценти се намалува цената на огревното дрво од складовите на „Македонски шуми“ за физичките лица и за 20 проценти за граѓаните корисници на социјална помош.
Новата цена на буката е 2.133 денари за кубен метар, односно 1.896 денари за лица корисници на социјална помош, а за дабот е 2.205 денари за кубен метар, односно 1.960 денари за лицата корисници на социјална помош, појасни Ѓорѓиев и додаде дека новите цени важат од вчера до 15 април 2012 ��одина, за граѓаните кои ќе го користат за сопствени потреби. Корисниците на социјална помош може да купат најмногу до пет кубни метри огревно дрво. Според него, „Македонски шуми“ имаат обврска да обезбедат доволна количина дрва за задоволување на потребите на граѓаните. Во Македонија две третини од граѓаните за огрев користат дрво.
„Ова е доказ дека Владата води сметка за потребите на граѓаните и онаму каде што цените на определени производи зависат од одлучувањето на Владата тие се намалуваат. Ова намалување е особено важно затоа што доаѓа во период на глобално зголемување на цените на реагенсите и затоа што во Македонија во изминатите години, и покрај зголемувањето на цените на огревното дрво во регионот, не само што не дојде до зголемување на цената на дрвото, туку доаѓа и до намалување“, истакна портпаролот Ѓорѓиев.
Тој додаде дека Владата останува посветена на следење на движењата во економијата и доколку се појави потреба, ќе интервенира. (Ек.Р)
|
|
|
|
Статијата е прочитана 601 пати.
|
Испрати коментар
|
|
| Јован, 19.09.2012 17:08:46 | | Сите ЈП од сите градови ја сочинуваат ЈП ,Македонски шуми,. Секое ЈП од секој град, веке имаат одамна завршени тендери за дрва со приватни претпријатија, кои се пак крајни продавачи на крајните потрошувачи. Бидејки дрвата веке се договорени со Договори меѓу истите и веке си имаат мегу себе дефинирана договорна цена, приватните фирми нема ни под разно да ги продаваат дрвата на крајните потрошувачи поефтино од цената на тендерите. ЈП ,Македонски шуми. како и секогаш, нема да имаат дрва или ке имаат само занемарливи количини. Значи, во глобала, КЕ ИМА ЛИ НАМАЛУВАЊЕ НА ЦЕНИТЕ НА ДРВАТА? СЕ РАЗБИРА НЕ. СЕ РАЗБИРА, ОВА Е УШТЕ ЕДНА ИГРА НА НАШАТА ВЛАДА , КОЈА ЕПТЕН МНОГУ СЕ СЕКИРА ЗА НАШИОТ НАРОДЕЦ, КАКО НА ПРИМЕР СО СТРУЈАТА, ПАРНОТО И Т.Н. .............? |
|
|
|
|
|
„УТРИНСКИ ВЕСНИК“
ЕЛЕКТРОНСКО ИЗДАНИE
 |
|
|
|
|
Време
|
Скопје, 23°C
Претежно облачно
|
Четврток
Обилни врнежи
Макс: 21°C, Мин: 6°C
|
Петок
Сончево
Макс: 22°C, Мин: 9°C
|
|
|
|
|
|
|
Фељтон
Јованка Броз - Титова Совладетелка (4)Хрушчов го викал Тито социјалистички цар. Специјално за своите читатели „Утрински весник“ и „Медија принт Македонија“ ги откупија правата на објавување извадоци од книгата „Јованка Броз - Титова совладетелка“ |
|
