18.10.2012, 12:53 Штиглмаер: Воведувањето визи не е решение
ЕК потврди дека примила писма од неколку членки поради зголемен број на барања за азил од Западен Балкан
Аналитичарката на Европската иницијатива за стабилност, Александра Штиглмаер изјави дека проблемот не е во лажните азиланти туку во погодностите што некои држави ги даваат за време на процесот на барање азил, и оти повторното воведување на визниот режим не е решение, јави Танјуг.
ЕК потврди дека примила писма од неколку членки поради зголемен број на барања за азил од Западен Балкан.
Укажувајќи дека станува збор за најголем број лица од Србија и Македонија, во разговор за Глас на Америка, таа тврди дека проблемот е во долгите процедури во некои европски држави и погодностите што ги даваат на сите кои преку зима сакаат кров над глава, храна, здравствена нега и пристојна финснска помош. Повеќе од 14.000 од оние кои воглавно доаѓаат од Србија и Македонија во европски држаби само во изминатите осум месеци е загржувачка бројка за европските земји, но проблемот треба да се решава во Европа, смета таа.
- Опасноста постои бидејќи овојпат Германија е зафатена со проблемот. Таму во септември имало 4.000 пријави за азил од српски и македонски граѓани, а тоа е голема цифра. Во целата измината година имало 8.000...Значи, Германија сака да реагира само што повторното воведување визи не е решение, изјави Штиглмаер.
- Она што треба да се направи е да се одземат бенифициите поради оние кои одат во Германија, од сите балкански националности, речиси и никој не добива азил затоа што таму нема политички прогони. Нема причина да се даде политички азил и тоа значи дека се работи за лажни азиланти. Во Германија процесот за барање азил може да мине половина година - добиваш сместување, храна, облека, медицинска грижа и 420 евра за четиричлено семејство.Претходно беше помалку, а станува збор за судска одлука од јули и тоа е причина зошто сега луѓето навалија во Германија, вели аналитичарката.
На прашање колку владите во Западен Балкан, особено во Македонија и Србија треба да работат за да се намали бранот азиланти таа вели: ЕК бара акција од нив, но тие многу малку може да направат. Комисијата бара информативни кампањи, но луѓето нема да слушаат дека нема да добијат азил во Германија или која било друга држава во ЕУ. Ним им е важно да поминат неколку месеци на безбедно и топло.
- Решението на ЕУ е едноставно - државите од Запден Балкан да се прогласат за држави со безбедно потекло и радикално да се крати целата процедура, наведува Штиглмаер.
|
