17.10.2012, 13:15 Швеѓаните од 0:4 до 4:4!
Германците испуштија победа над Шведска во квалификациите за СП 2014
Иако до 62. минута водеа со 4:0, германските репрезентативци не ја победија Шведска во квалификациите за Светското фудбалско првенство! Швеѓаните дадоа четири гола во последниот половина час од натпреварот и извлекоа бод од Берлин! Селекцијата на Јоаким Лев во првото полувреме ги „прегази“ гостите, кои немаа никаква идеја како да му парираат на залетаниот домаќин. Мирослав Клозе ги постигна првите два гола во период од 8. до 15. минута, во 36. мин. дефанзивецот Пер Мертезакер на асистенција на Милер зголеми на 3:0, резултат што стоеше на семафорот до 56. минута, к��га фудбалерот на Реал Мадрид, Месут Озил, ја затресе мрежата на „викинзите“. И кога се чинеше дека приказната околу победникот е завршена, во завршницата тотална доминација на Швеѓаните. Головите на Ибрахимовиќ, Лустиг, Елмандер и Расмус Елм во втората минута од судиското надополнение им донесоа голем поен на „трите круни“ од жешкото гостување.
Дербито меѓу Полска и Англија не почна поради силниот дожд, кој го натопи теренот на стадионот во Варшава, по што немаше основни услови за игра. Фудбалерите излегоа на теренот, но бргу се вратија во соблекувалните бидејќи условите за игра беа ненормални. Топката едвај се тркалаше по тревата, а судијата двапати го одложуваше почетокот на натпреварот, кој беше одложен за синоќа.
По вредниот триумф над Португалија, се очекуваше Русите да имаат лесна задача против аутсајдерот во групата Ф, Азербејџан, но не беше така. „Зборнаја“ се изнамачи за да го урне ѕидот на Азербејџанците пред својот гол, постигна гол дури во 84. минута, и тоа од пенал, со што стигна до планираните три бода. Али Ѓокдемир го собори Владимир Бистров во казнениот простор, македонскиот судија Александар Ставрев покажа на белата точка, а Роман Широков ја донесе победата на Русија.
„Реков дека овој тим на Азербејџан е многу организиран. Тие се квалитетни и тоа го покажаа на теренот. Имавме шанси да постигнеме гол порано, но не ги искористивме шансите, а во голем дел нивната густа одбрана не ни го дозволи тоа. Сепак, постигнавме погодок во финишот и стигнавме до победа. Важно е дека ги освоивме трите бода и го продолжуваме победничкиот ритам, играта се заборава“, изјави селекторот на Русија, Фабио Капело.
Голманот Игор Акинфеев постави рекорд во националниот тим по бројот на минути без примен гол. Тој во 37. минута од натпреварот со Азербејџан го израмни рекордот на Вјачеслав Малафеев, кој не дозволи да се затресе неговата мрежа 653 минути. Акинфеев не дозволи да прими гол против Азербејџан и сега е новиот сопственик на рекордот, кој изнесува 706 минути. Серијата ја почна од август минатата година со мечот против Србија (0:0).
АЛБАНИЈА ПОДОБРА ОД СЛОВЕНИЈА
Група А: Хрватска - Велс 2:0, Македонија - Србија 1:0, Белгија - Шкотска 2:0. Табела: Белгија 10, Хрватска 10, Србија 4, Македонија 4, Велс 3, Шкотска 2. Следни мечеви: Шкотска - Велс, Хрватска - Србија, Македонија - Белгија.
Група Б: Чешка - Бугарија 0:0, Италија - Данска 3:1. Табела: Италија 10, Бугарија 6, Чешка 5 (-1), Ерменија 3 (-1), Данска 2 (-1), Малта 0 (-1). Следни мечеви: Чешка - Данска, Бугарија - Малта.
Група Ц: Фарски Острови - Република Ирска 1:4, Австрија - Казахстан 4:0, Германија - Шведска 4:4. Табела: Германија 10, Шведска 7 (-1), Р. Ирска 6 (-1), Австрија 4 (-1), Казахстан 1, Ф. Острови 0 (-1). Следни мечеви: Казахстан - Германија, Австрија - Ф. Острови, Шведска - Р. Ирска.
Група Д: Андора - Естонија 0:1, Романија - Холандија 1:4, Унгарија - Турција 3:1. Табела: Холандија 12, Унгарија 9, Романија 9, Турција 3, Естонија 3, Андора 0. Следни мечеви: Холандија - Естонија, Унгарија - Романија, Андора - Турција.
Група Е: Кипар - Норвешка 1:3, Исланд - Швајцарија 0:2, Албанија - Словенија 1:0. Табела: Швајцарија 10, Норвешка 7, Албанија 6, Исланд 6, Словенија 3, Кипар 3. Следни мечеви: Норвешка - Албанија, Словенија - Исланд, Кипар - Швајцарија.
Група Ф: Русија - Азербејџан 1:0, Израел - Луксембург 3:0, Португалија - Северна Ирска 1:1. Табела: Русија 12, Израел 7, Португалија 7, С. Ирска 2 (-1), Азербејџан 1 (-1), Луксембург 1. Следен меч: С. Ирска - Азербејџан.
Група Г: Летонија - Лихтенштајн 2:0, Босна и Херцеговина - Литванија 3:0, Словачка - Грција 0:1. Табела: БиХ 10, Грција 10, Словачка 7, Литванија 4, Летонија 3, Лихтенштајн 0. Следни мечеви: Словачка - Литванија, Лихтенштајн - Летонија, БиХ - Грција.
Група Х: Украина - Црна Гора 0:1, Сан Марино - Молдавија 0:2, Полска - Англија одложено. Табела: Англија 7 (-1), Ц. Гора 7 (-1), Полска 4 (-2), Молдавија 4, Украина 2 (-1), Сан Марино 0 (-1). Следен меч: Ц. Гора - Сан Марино.
Група И: Белорусија - Грузија 2:0, Шпанија - Франција 1:1. Табела: Шпанија 7 (-1), Франција 7 (-1), Грузија 4, Белорусија 3, Финска 1 (-2). Следни мечеви: Шпанија - Финска, Франција - Грузија.
|
