Лајчак и Шпинделегер во посета на Македонија

На средбите со македонскиот државен врв ќе стане збор за  европските и евроатланските интеграции на Македонија

Шефовите на дипломатиите на Словачка и на Австрија, Мирослав Лајчак и Михаел Шпинделегер денеска ќе престојуваат во официјална посета на Република Македонија.

За време на престојот ќе разговараат со својот домаќин, министерот за надворешни работи Никола Попоски, а ќе бидат примени и од претседателот на Република Македонија Ѓорге Иванов и од претседателот на Собранието Трајко Вељаноски.

Од Кабинетот на претседателот информираат дека на средбата со двајцата министри за надворешни работи, ќе стане збор за европските и евроатланските интеграции на Република Македонија и можностите за нивно што поскоро деблокирање.