Нов пожар и се заканува на Струмица

Нов пожар избувна попладнево во 12:40 часот на локацијата „Два пата“ кај Струмица, во близина на местото каде што пред два дена во огнена стихија беа повредени 14 лица, од кои две починаа.

Дирекцијата за заштита и спасување информира дека веднаш се активирани екипи на Територијалната противпожарна единица, ЈП Македонски шуми и од општинското ЈП „Комуналец“, кои веќе два дена дежураат на овој терен.

Новиот пожар е на многу непристапен терен, гори борова шума, и постои опасност од негово нагло проширување и спуштање кон градот. Поради опасност пожарот да се пришири во населени места, од Дирекцијата за заштита и спасување е побарано и веќе се активирани противпожарните авиони.