23.07.2012, 15:44 Голем пожар во Струмица
На само неколку метри од куќите во близина на Tурското маало во Струмица избувнал пожар кој брзо се шири. Екипите на противпожарната служби се на терен и работат на локализирање на огнената стихија што ја зафати боровата шума над градот.
Засега нема информации колкава површина е опожарена и дали има повредени лица.
Од Центарот за управување со кризи информираат дека во моментов екипите на ТППЕ од Струмица се на терен и интервенираат во гаснењето на овој пожар.
Покрај пожарот во Стрмуца, се уште активен е и пожарот во кривопаланечко Градец кој се реактивираше. Во гаснењето на овој пожар во моментов интервенираат екипи на ТППЕ и Шумското Стопанство од Крива Паланка. Бидејќи со пожарот се зафатени и неколку бандери, заради превенција, во овој реон електроснабдувањето е исклучено на одредено време.
|
