25.07.2012, 12:36 Бан Ки-мун и пред пратениците вети помош за решавање на името
Генералниот секретар на Обединетите нации имаше обраќање во македонскиот Парламент
Вие имате цел да се приклучуте во ЕУ и НАТО и знам дека имате и пречка во оваа ваша цел. Императив е да се разреши прашањето на името. Јас сум посветен да помогнам, да олеснам во решавањето на ова прашање. Може да сметате на ОН и во исто време ќе охрабрам премиерот, претседателот на држвата, претседателот на Собранието да бидат обединети и посветени на негово решавање.
Ова го истакна Генералниот секретар на ОН Бан Ки-мун во денешното обраќање пред пратениците во македонскиот Парламент, на кое присуствуваа и премиерот Никола Груевски, министри во Владата, претставнивници на МАНУ, на судството, на верските заедници и на дипломатскиот кор во земјата.
Тој посочи дека на неговата посета на Македонија, е придружуван од неговиот личен претставник Нимиц, кој од Скопје заминува во Грција за да продоли со разговорите за ова прашање.
Првиот човек на Светската организација со пофалби за државата, во која вели гледа многу голем напредок, визија да не се гледа назад кон минатото туку кон светлата иднина.
- Гледам навистина голем напредок, динамика и посветеност да се надминат сите прашања и да се оди напред, рече тој потсетувајќи на 1991 година кога Југославија беше на границата на конфликт, Македонија избра и воспостави пример за мирно воспиоставување на границите.
Тој нема дилеми оти, како што рече, оваа земја е посветена на мирно мултиетничко општество. - Вие го изменивте вашиот Устав, овозможивте важен развој во децентарлизацијата, двојното гласање и употребата на повеќе јазици и ги отворивте вашите врати и вашите срца на многу илјади бегалци за време на кризата во Косово, рече Ки-мун.
Вие сте млада демократија, но вашите достигнувања се веќе препознени, рече тој, посочувајќи на македонското претстедавање со Генералното собрание на ОН во 2007 година.
Генералниот секретар Ки-мун се осврна и на клучните цели на Светската организација, меѓу кои поддршка за земјите во транцизија, предизвикот за жените и младината, одржливиот економски развој и постигнување на милениумските цели. Честиташе на земјата и на владините добри политики во однос на исполнувањето на Милениумските цели чија цел е преполовување на сиромаштијата во светот.
- Во 2015 година многу луѓе ќе живеат во сиромаштија, ќе бидат гладни ќе немаат здравствени услуги... Постигнувањето на Милениумските цели ќе биде невозможно без учество на жените во Парламентот. Мора да дадеме учество и на младите луѓе. Овде во земјата постигнати се голем дел од Милениумските цели, истакна првиот човек на ОН кој упати пофалби и за како што рече младиот Парламент и учеството на жените во него.
Ки-мун честиташе и за македнското водство во текот на Декадата на Ромите и заложбата за кршење на културните бариери и најави продолжување на соработката со ОН.
Пред обраќањето, Бан Ки-мун имаше средба со претседателот на Собранието Трајко Вељаноски. Предвидено е тој да се сретне и со претседателот на Владата Никола Груевски.
Генералниот секретар на Обединетите нации Бан Ки-мун, кој вчеравечер допатува во официјална посета на Република Македонија, изутрината се сретна со претседателот Ѓорге Иванов во Охрид. По тет-а-тет средбата двајцата одржаа заедничка прес-конференција, на која првиот човек на Светската организација најави дека лично ќе се заложи кај грчките власти за забрзување на процесот ��а решавање на прашањето за името, а ќе се ангажира и за почитување на пресудата на Меѓународниот суд на правдата во Хаг.
Бан Ки-мун за време на престојот во Макеоднија е придружуван од посредникот на ОН во грчко-македонските разговори за разликите околу името Метју Нимиц,.
По посетата на Македонија Бан Ки-мун попладнево заминува за Босна и Херцеговина, којашто е последна етапа од неговата балканска турнеја во која беа опфатени сите држави од поранешна Југолсавија.
|
