24.07.2012, 12:41 Тројца загинати во сообраќајка кај Скадар
Во тешка собраќајна несреќа што се случила утрово на влезот во северниот албански град Скадар, животот го загубиле три лица, додека едно е тешко повредено.
Според полицијата, 21-годишниот Гезар Загањоли, управувајќи го возилото „Рено клио“ со голема брзина, ја изгубил контролата врз него и усмртил два пешака кои се движеле на тротоарот од мостот на Буна, по што удрил во железната ограда од мостот, јави дописникот на МИА од Тирана.
Од силниот удар на самото место починале пешаците Џевахире Дибра (69) и Сатбете Белинова (59). Животот го загубил и младиот Загањоли, додека тешко е повредена неговата сопатничка Резанта Цами.
По албанските патишта во просек дневно животот го губи по најмалку едно лице дневно. Причините, главно се неприлагодена брзина на условите на патот.
|
