(ФОТО) Премиерот Груевски ги посети повредените од пожарот

Покрај премиерот Груевски, повредените ги посетија и министерот за земјоделство Љупчо Димовски и заменик-министерот за здравство Јовица Андовски

ФОТО: МИА

Премиерот Никола Груевски синоќа во Градската болница ги посети повредените од  пожарот што вчера ја зафати Струмица.

Покрај премиерот Груевски, повредените ги посетија и министерот за земјоделство Љупчо Димовски и заменик-министерот за здравство Јовица Андовски.

Министерството за здравство има формирано Координативно тело кое ќе биде надлежно за справување со ситуацијата.

Според последните информации, пет лица се потешко, а десет полесно повредени при гаснењето на пожарот кај Струмица.

Пожарот што почна вчера попладне, околу 12 часот, од небрежност, во местото Чамчифлик, зафати борова шума и малку смрека на околу 100 хектари, се прошири, но е изгаснат од дождот во 19 часот и 30 минути.