Николиќ ги напушта радикалите на Шешељ

БЕЛГРАД - Претседателот на главната опозициска партија во Србија Томислав Николиќ поднесе оставка откако постарите колеги одбија да ги поддржат напорите на земјата за приклучување кон ЕУ. Николиќ неодамна ја убеди неговата Српска радикална партија да ја одобри ратификацијата на една важна спогодба со Европската унија. Но, во партијата постоеше револт околу ова прашање, при што критичарите истакнуваа дека тоа значи откажување од претензиите на Србија кон Косово.

Косово унилатерално прогласи независност од Србија оваа година. Дописникот на Би-Би-Си од Белград јави дека Николиќ ја управувал партијата кон центарот на српската политика, фокусирајќи се на социјалните прашања, како што се невработеност и сиромаштија наместо кон милитантниот национализам од минатото.

Николиќ официјално е заменик-претседател на партијата, бидејќи нејзиниот лидер Воислав Шешељ се соочува со обвиненија пред Меѓународниот трибунал за воени злосторства во Хаг. Неговото одобрување на Спогодбата за стабилизација и асоцијација, потпишана во почетокот на годината, но се' уште не е ратификувана од српскиот парламент, беше предалечен мост за многу негови партиски колеги, јавуваат дописниците.

На состанокот на партиското раководство во петокот ноќта беше сменета одлуката да се прифати Спогодбата со Брисел. Во знак на протест, Николиќ поднесе оставка и од позицијата де факто лидер на партијата и како шеф на нејзината парламентарна група.

Парламентарното гласање за спогодбата со ЕУ се очекува следната недела. (Би-Би-Си)