(ФОТО) Отворен „Паркот на езерата“ во Општина Аеродром

Општина Аеродром ја продолжи парковската офанзива пуштајќи го во употреба „Паркот на езерата“.

Водниот парк се простира на површина од 11 илјади квадратни метри покрај салата „Јане Сандански“, веднаш до кејот на Вардар, и нуди 4 езерца со површина од околу 2.000 квадратни метри, фонтани за пиење вода, патеки, урбана опрема и хортикултурно уредени површини со висока и ниска вегетација. Паркот има три сопствени бунари за полнење на езерата, но и вграден автоматски систем за наводнување на тревниците.

фото: Киро Попов