04.09.2012, 16:23 Владата ќе ги награди најдобрите амбасадори
По многуте закани за казнувања и враќања, владата конечно реши да го примени и морковот, а не само стапот во надворешната политика. Како што се дознава, петте амбасадори на Македонија кои покажале најдобри економски резултати во првите шест месеци годинава ќе бидат наградени парично, но навестувањата од МНР се дека сумата сепак ќе биде симболична.
Според бројните критериуми што ги воспостави владата (број на посети на компании , број на дојдени инвеститори, конкретни зделки и слично) како најуспешни изминатите шест месеци се оценети амбасадорот Илија Исајловски во Русија, Кире Илиоски во Шведска, Веле Трпевски во Албанија, Горан Тас��овски во Турција и Оливер Шамбевски во Кина, иако до официјалното соопштение од МНР се вртеа други две имиња (Букурешт и Киев, место Анкара и Пекинг). И овојпат кои се амбасадорите што се најдоа на дното на листата не може да се дознае, а делумно и нема логика бидејќи некои од нив не се делегирани во дестинации во кои приоритет се економските резултати. Она што е куриозитет е дека, наспроти претходната листа на најуспешни, на која на врвот беа професионалци а на дното партиските амбасадори, сега успеси редат три ВМРО-вски кадри, па и двајца од најкритикуваните и најоспоруваните од нив. (Н.Р.) |
