Ердоган: Израелски напад врз Иран ќе предизвика апокалипса



Турскиот премиер Реџеп Таип Ердоган изјави дека евентуален израелски напад врз Иран ќе предизвика „апокалипса“. Во интервју за Си-Ен-Ен, Ердоган, сепак, наведе оти постојат мали шанси израел да изврши воен удар врз Иран. „Не верувам дека Израел би го нападнал Иран. Веројатноста е речиси нула. Во спротивен случај тоа би предизвикало апокалипса во целиот регион“, изјави Ердоган.

Коментирајќи ја кризата околу иранската нуклеарна програма, Ердоган изјави дека досега нема јасни индикации дека Иран ги користи нуклеарните можности за создавање нуклеарно оружје.