Косово и Албанија ќе се обединуваат со телефонскиот код +355

Косовскиот Парламент со мнозинство гласови - 47 „за“, девет против и два воздржани, ja изгласа Резолуција предложена од пратеникот на Движењето за обединување, Агим Кулета.

Според овој документ, Владата на Република Косово треба да донесе одлука за промена на актуелните телефонски кодови кои важат за Косово (+377, +381 и +386) со телефонскиот код на Република Албанија (+355).

Како што пренесува порталот „Албеу“, со ваквиот чекор Косово и неговите граѓани ќе пофитираат многу, како од политички и економски, така и од безбедносен аспект.

Резолуцијата, како што е оценето, е донесена согласно Уставот и Деловникот на Парламентот и во неа меѓу другото наведени се причините поради што се носи овој документ.

- Бидејќи Република Косово не е членка на ОН, како и на Меѓународната унија за телекомуникации (ИТУ) не може да има сопствен код. Имајќи ги предвид милионски загуби, кои ги трпеше и се` уште ги трпи Косово од користењето на странски телефонски кодови, како на Монако, Србија и Словенија. Исто така, се има предвид и дека движењето на голем број граѓани на Република Косово во Република Албанија и обратно, услови раст на интензитетот на комуникацијата меѓу нив преку телефонската мрежа, а цената на оваа комуникација поради различите кодови е многу висока. Како постоењето на сериозната можност за закана по безбедноста на државата, се наведува во резолуцијата.

Од косовската Влада се бара што побрзо да се почнат разговори со властите во Албанија.