Хотелот „Сити Интернешнал“ го поплави ГТЦ

Вода од сите страни поплави бутици и продавници денеска во Градскиот трговски центар.

Пукната водоводна цевка од новоизградениот хотел „Сити Интернешнал“ предизвика од поплавата да се зафатат филијалите на „Уни Банка“ и „Македонска пошта“. Дуќаните се речиси целосно уништени, а сопствениците во шок и паника. Дел од нив, стоката ја увезувале од Италија. Штетата ја проценуваат на половина милион евра.

Според првичните информации, при работа на водоводната мрежа во хотелот „Сити Интернешенал“ на третиот кат во трговскиот, пукнала цевка. ГТЦ и сопственикот на хотелот си ја префрлаат вината за настанатата ситуација. Според едните - хотелот бил изграден без дозвола, а според другите - водоводната инсталација во ГТЦ е застарена.

Во поплавата се зафатени и седум од осумте апартмани во „Сити Интернешенал“.