19.10.2011, 14:45 Почина француската заложничка Мари Дедио
Почина француската заложничка Мари Дедио, која беше грабната во Кенија и потоа држана како заложник во Сомалија, соопштија француските медиуми, повикувајќи се на Министерството за надворешни работи на Франција.
- Контактите, преку кои француската влада се обидуваше да го издејствува ослободувањето на Мари Дедио, не информираа дека таа починала, без да можеме да ги прецизираме датумот и околностите за нејзината смрт, изјави портпаролот на Ки д'Орсе Бернар Валеро.
Тој инсистира телото на починатата заложничка да биде предадено на француските власти под итно и без условувања.
- Здравствената состојба на Дедио, нејаснотиите околу условите во кои таа била држена, фактот дека грабнувачите веројатно одбиле да и ги дадат лекарства, кои ние и ги испративме, не терата да се соменваме дека овој трагичен изход, за жал, е најверојатен, објасни Валеро.
Шеесет и шестгодишната Французинка страдаше од рак, а грабнувачите не ја зеле и количката, со која таа се придвижуваше.
Французинката беше киднапирана ноќта меѓу 30 септември и 1 октомври од својот дом на кенискиот остров Манда, потсетуваат француските медиуми. Мари Дедио прво била држена од своите грабнувачи во малото крајбрежно село Рас Камбони, од сомалиската страна на границата. на крајот таа ��ила префрлена во соседно село надвор од границата.
Грабнувањето на Мари Дедио, која играше клучна улога во феминистичкото движење во Франција во текот на 70-те години, се случи на помалку од месец по сличен случај во Кенија. Британската туристка Џудит Тебот беше грабната на 11 септември во луксузното одморалиште Кивају и префлена во Сомалија.
|
