18.10.2011, 11:21 Емирот од Катар денеска на средба со Груевски
По средбите е предвидено разгледување на културно-историски знаменитости и посета на Старата скопска чаршија.
Емирот од Катар, Шеик Хамад бин Калифа Ал Тани, денеска ја продолжува официјалната посета на Македонија, со средби со премиерот Никола Груевски и претседателот на Собранието Трајко Вељаноски.
По средбите е предвидено разгледување на културно-историски знаменитости и посета на Старата скопска чаршија.
Емиерот на Катар престојува во Македонија на покана на претседателот Ѓорѓе Иванов, од кого беше одликуван со орден Осми септември, во знак на признание за неговите напори за мир. На разговорите со Иванов емирот изразил интерес за земјоделските производи од Македонија, соработка во областа на туризмот, енергетиката и финансиите, како и во градежништвото.
Емирот на Катар, Шеик Хамад Бин Калифа Ал Тани на средбата со македонскиот претседател, Ѓорге Иванов во Скопје најавил отворање на амбасада на Катар во Македонија, што позитивно ќе се одрази на развојот на билатералната соработка.
Со посетата на Македонија катарскиот шеик ја почна мини-европската турнеја. Ќе ги посети и Албанија, Полска и Украина.
|
