18.10.2011, 11:52 Tехнома 2011 од денеска на Скопски саем
На Скопски саем од денеска до 22. октомври ќе се одржи по 37-ми пат саемската манифестација Технома, на која ќе се претстават 900 учесници од земјата и странство, а се очекуваат над 48.000 постители.
На годинашното издание на Технома 2011, 40 отсто од изложувачите се странски компании. Манифестцијата ја одбележуваат групни настапи, на повеќе од 40 италијански компании, главно мали и средни претпријатија, кои ќе учествуваат два дена на саемот. Настапот на италијанските компании, наречен Еко Биз Експо, е во организација на ФДЛ Сервизи од Бари, носители на АМИКО проектот. Заинтересираните ќе имаат можност за директни средби со претставниците на италијанските компании. Италијанските компании по вторпат учествуваат на Технома на Скопски саем.
Покај компаниите од Италија, организиран настап ќе имаат и 25 компании од Словенија и 25 компании од Грција.
Акцент годинава е ставен на обновливите извори на енергија за што има се поголем интерес од страна на изложувачите.
Првиот ден од саемот ќе се одржи тркалезна маса на тема „Енергетски предизвици, актуелна состојба и банкарство“, потоа предвидени се компаниски презентации, како и Меѓународен брокерски настан - Техно средби 2011 БН2Б средби.
Н�� 19 окотомври најавена е панел дискусија за „Постапки, примери и добри практики за инвестирање во обновливите извори на енергија“ и тркалезна маса на тема „Индикатори за мерење на успешноста на кластерското работење во Република Македонија“. На 20 октомври ќе се одржи работилница за можности и пречки при аплицирирањето на успешни проекти на малите и средни претпријатија во областа на еко-енергетиката и во други техничко-технолошки производствени системи на ЕУ повици и тендери.
Партнер на манифестацијата е словенечката М-Лан Солар, која изгради и пушти во употреба првата сончева електрана, поставена на кровот на Управната зграда на Скопски саем. Електраната има капацитет од 5 кw и со нејзиното работење ќе се произведуваат околу 6.500 кwh годишно.
За времетраењето на Технома 2011 ќе се одржат и манифестциите Макинова 2011 и Еконова 2011 на кој учествуваат покрај македонски и иноватори од БиХ, Србија, Египет, Иран, Украина,Тајван...
Саемот официјално ќе го отвори денеска министерот за животна средина и просторно планирање Абдилаќим Адеми.
|
