28.06.2012, 14:23 Тројца велешани демонтирале 746 метри шини
Тројца велешани се сомничат дека демонтирале 1.350 метри кабел и 746 метри шини, односно дека од мај до октмоври минатата година извршиле четири тешки кражби и исто толку кривични дела: загрозување на безбедноста во сообраќајот.
Според полициската пријавата станува збор за лицата: П.Н. (30), Д.М.(30) и А.А. (25), а штетата која што и' била нанесена на Јавното претпријатие П “Македонски железници“ е процената на 2.926.452 денари или 50.000 евра.
Од полицијата потврдуваат дека кај месноста викана „Долги Рид“ во близина на населба Превалец осомничените биле затекнати како со автомобили „тико“ и „опел астра“ превезуваат исечени шини и оксигенски боци. Лицата биле приведени, а од разговор со нив биле добиени сознанија дека тие, во четири наврати, се упатувале кон железничкото стојалиште кај селото Теово, а потоа со адекватен алат го сечеле кабелот кој се користи за телекомуникациски врски и за регулирање на железничкиот сообраќај помеѓу станиците Велес и Богомила. Со кражбата 1.350 метри кабел и безмалку еден километар шини тие ја загрозиле безбедноста во железничкиот сообраќај, но и животот на железничките работници и корисниците на железнички услуги. (Љ.С.)
|
