Пад на индустриското производство за 5,4 отсто

Индустриското производство во мај годинава е намалено за 5,4 отсто во однос на истиот месец лани.

Според Државниот завод за статистика, во периодот јануари-мај 2012 во однос на јануари-мај 2011 индустриското производство бележи пад од 7,5 проценти.

Во секторот Рударство и вадење камен во мај 2012 година индустриското производство е намалено за 22,8 отсто во однос на мај 2011, во секторот Преработувачка индустрија за 3,2, а во секторот Снабдување со електрична енергија, гас, пареа и климатизација за 14,1 отсто.

Според главните индустриски групи, производството бележи опаѓање кај Енергија за 22,9 отсто, Капитални производи за 19,8 и Трајни производи за широка потрошувачка за 43,2 процента, додека бележи пораст кај Интермедијарни производи, освен енергија за еден отсто и кај Нетрајни производи за широка потрошувачка за 1,6 проценти.