24.01.2012, 15:21 Надал закажа полуфинална пресметка со Федерер
Рафаел Надал е полуфиналист на Австралија опен, откако по тешка борба успеа да го елиминира Томаш Бердих со 3-1 во сетови (6-7, 7-6, 6-4, 6-3)
Шпанецот го загуби првиот сет и беше јасно дека ќе треба навистина да се намачи за да стигне до триумфот. Вториот сет го доби како што го загуби првиот, во тајбрејк, а потоа го скрши отпорот на Бердих и ги освои и наредните два сета.
Во полуфиналето, ќе гледаме тениско „Ел Класико“, меѓу Рафаел Надал и Роже Федерер. Швајцарецот лесно излезе на крај во четвртфиналето со Хуан Мартин дел Потро, победувајќи со 3-0 во сетови.
„Секој меч со Роже е нова приказна. Ќе биде возбудиво, навистина се радувам на новиот дуел. Мора да му честитам и на Бердих за извонредниот тенис, беше тешко денеска да се игра против него“, изјави Рафаел Надал.
|
