(ФОТО) Француската авијација елиминира 60 џихадисти

Според француските медиуми, во вчерашното интензивно бомбардирање на базите на исламистичките милиции во Мали, биле убиени над 60 џихадисти.

Оваа бројка на убиени џихадисти се однесува само на градот Гао и неговата околина.

Франција испрати засилување од неколку авиони за спроведување на акциите во Мали, бидејќи засега само француската армија учествува во бомбардирањата.

Најавената британска помош се однесува само на испраќање инструктори за обука на малиските владини сили и на меѓународните африкански сили кои ќе интервенираат во Мали со мандат од една година, даден од ОН.

Француските војници кои се распоредени во Бама��о, аеродромот на Бамако и пристапите околу малиската престолнина, според Париз се само за осигурување на безбедноста на околу 6.000 француски државјани кои живеат во Мали.

Париз не предвидува вклучување на француските копнени сили во ставањето под контрола на северниот дел на Мали, што е под контрола на бунтовниците, задача која ќе биде под надлежност на владините сили на Мали и африканските меѓународни сили.

Но, интензивирањето на бомбардирањата на француската авијација врз базите на исламистите зборува за тоа дека Франција е одлучна да го искористи пресвртот предизвикан со воената интеревенција, која го запре напредувањето на исламистите кон Бамако.