11.02.2013, 13:22 Леброн ги преслуша Лејкерси, Бостон го доби трилерот со Денвер
Шампионот Мајами ја оствари петтата победа едноподруго, совладувајќи го тимот од Лос Анџелес со 107:97
Шампионот Мајами предводен од тандемот Леброн Џејмс и Двејн Вејд не дозволи изненадување и на домашен терен со 107:97 беше подобар од Лејкерси за својата петта победа во низа.
Џејмс средбата ја заврши со 32 поена, поставувајќи нов клупски рекорд со пет настапи едноподруго со најмалку 30 поени зад своето име. Тој погоди 12 од своите 18 обиди од игра, исто како и Двејн Вејд, кој на крајот имаше само два поени помалку од својот ол стар соиграч. Коби Брајант одигра одлично носејќи го ЛА Лејкерс со 28 поени, 9 асистенции и шест скока, но сепак не доволно за победа.
Вкупно 63 минути игра им беа потребни на Селтикси и Нагетси во нивниот меѓусебен дуел по кој фановите на Бостон беа тие кои се радуваа на седмата победа едноподруго на своите миленици.
Играјќи го седмиот натпревар во низа без повредениот Ражон Рондо, Бостон предводен од трипл-дабл ефектот на Пол Пирс од 27 поени, 14 скокови и 14 асистенции дојде и до седмата победа едноподруго, совладувајќи ги Нагетси во вистински трилер со 118:114.
Кошаркарите на Сан Антонио се првата екипа сезонава која ја постигна 40 победа. На синоќешното гостување тие убедливо го совладаа Бруклин со 111:86. Ослабените Спарси без Тим Данкан и Ману Џинобили, проттатнеа низ Бруклин, иако по првата четвртина беа во минус од десет поени. Домашните водеа и на полувремето а потоа доживеа вистински крах.
Резултати: Њујорк - Лос Анџелес Клиперс 88:102, Мајами - Лос Анџелес Лејкерс 107:97, Бостон - Денвер 118:114 (три продолженија), Торонто - Њу Орлеанс 102:89, Орландо - Портланд 110:104, Мемфис - Минесота 105:88, Бруклин - Сан Антонио 86:111, Феникс - Оклахома Сити 69:97 и Сакраменто - Хјустон 117:111.
Вечерва играат: Филаделфија - Лос Анџелес Клиперс, Шарлот - Бостон, Кливленд - Минесота, Индијана - Бруклин, Детроит - Њу Орлеанс, Чикаго - Сан Антонио, Милвоки - Вашингтон и Далас - Атланта.
ИСТОК: Мајами 34-14 (победи-порази), Њујорк 32-17, Индијана 31-20, Чикаго 30-20, Бруклин 29-22 итн.
ЗАПАД: Сан Антонио 40-12, Оклахома Сити 39-12, Л.А.Клиперс 36-17, Мемфис 32-18, Денвер 33-18 итн.
|
