05.01.2012, 10:17 Втор пораз по ред на Манчестер Јунајтед во Премиер лигата
Головите за Њукасл ги постигнаа Демба Ба во 33.минута, Јохан Кабаје во 47.минута, додека третиот гол беше автогол на Фил Џонс во последната минута.
Актуелниот шампион на Премиер лигата, екипата на Манчестер Јунајтед синоќа на гостувањето кај Њукасл претрпе убедлив пораз од 3:0. Ова воедно е втор натпревар по ред на кој составот на Алекс Фергусон е поразен, откако во претходното коло дома загуби од Блекбурн.
Головите за Њукасл ги постигнаа Демба Ба во 33.минута, Јохан Кабаје во 47.минута, додека третиот гол беше автогол на Фил Џонс во последната минута.
На вториот натпревар одигран синоќа во рамките на 20.коло, Болтон како гостин го победи Евертон со 2:1.
На другите натпревари од оваа рунда беа постигнати следниве резултати: Астон Вила - Свонси 0:2, Блекбурн - Стоук 1:2, Квинс Парк Ренџерс - Норвич 1:2, Вулверхемптон - Челзи 1:2, Фулам - Арсенал 2:1, Тотенхем - ВБА 1:0, Виган - Сандерленд 1:4 и Манчестер Сити - Ливерпул 3:0.
Табела: Манчестер Сити 48 бодови, Манчестер Јунајтед 45, Тотенхем 42 (натпревар помалку), Челзи 37, Арсенал 36, Ливерпул 34, Њукасл 33...
|
