10.01.2012, 15:21 Чикаго убедлив против Детроит
Филаделфија триумфира над Индијана со 96:86 и се зацврсти на лидерската позиција во дивизијата Атлантик.
Два дена по поразот од Атланта кошаркарите на Чикаго се вратија во победнички ритам. На сопствен паркет беа убедливи против Детроит и славеа со 92:68. „Биковите“ овојпат беа одлични во играта во одбрана што се покажа како клучна за осма победа во десеттиот сезонски настап. Бузер со 23 коша и Роуз со 22 беа лидери во домашниот состав, најзначајна фигура на пистонси беше Грег Монро со дабл-дабл ефект (14 поени, 10 скока).
Филаделфија триумфира над Индијана со 96:86 и се зацврсти на лидерската позиција во дивизијата Атлантик. Игуодала со 20 коша ги предводеше „седумдесетишестките“ до петтата радост во оваа сезона, најефикасен во противничкиот табор беше Рој Хиберт со 19 поени.
Изненадување се случи во Денвер каде екипата на Њу Орлеанс ги надигра нагетси со 94:81. Кајл Лендри со 21 кош и Крис Кајман со 20 беа најпрецизни во победничкиот тим, Лоусон беше прв стрелец кај Денвер со 15 коша.
Резултати: Филаделфија - Индијана 96:86, Торонто - Минесота 97:87, Њу Џерси - Атланта 101:106, Њујорк - Шарлот 91:87, Чикаго - Детроит 92:68, Денвер - Њу Орлеанс 81:94.
|
