10.01.2012, 12:15 Чави: Зборовите на Меси ми значат повеќе од Златната топка
Легендарниот играч за врска на Барселона, Чави Хернандес призна дека зборовите на неговиот клубски колега од Камп Ноу, Меси го трогнале
При врачувањето на третата последователна Златна Топка, Меси му се заблагодари на Чави и изјави дека за него е чест да игра во клуб во кој настапува и Чави.
„Се разбира, зборовите на Меси ме трогнаа, многу ми се допадна. Тие зборови за мене се поважни од било која награда“, изјави Чави.
„Не очекував дека ќе ми се заблагодари, тој е голем пријател и доста важна личност за нашиот клуб но истовремено е многу скромен“, продолжи плејмејкерот, кој на 25. Јануари ќе наполни 32 години.
„Доколку тој продолжи да игра на ова ниво, ќе стане убедливо најголемиот играч во историјата. Не се сомневам во тоа, тој само треба да се тестира до каде може да оди“, заврши Чави.
|
