30.12.2011, 13:05 Челзи и Болтон се договорија за Кејхил
Централниот одбранбен фудбалер во средината од дефанзивната линија ќе му се придружи на Џон Тери како замена за Алекс, кој се очекува да се врати во Бразил наредниот месец.
Премиерлигашите Болтон и Челзи ја договорија сумата за англискиот дефанзивец Гери Кејхил (26), кој се очекува да се пресели во лондонскиот клуб кога ќе биде отворен преодниот рок следната седмица, објави менаџерот на Болтон, Овен Којл. Централниот одбранбен фудбалер, кој има одиграно седум натпревари за Англија, во средината од дефанзивната линија на Челзи ќе му се придружи на Џон Тери како замена за Алекс, кој се очекува да се врати во Бразил наредниот месец.
Кејхил дојде во Болтон од Астон Вила во 2008 година и се разви во извонреден дефанзивец, иако неговиот тим се мачеше цела сезона и во моментов е претпоследен во лигата со 20 екипи. На крајот од сезонава му истекуваше договорот и беше поврзуван со трансфер во Манчестер јунајтед и во Тотенхем. Трансферот во Челзи се проценува на седум милиони фунти.
|
