05.01.2012, 10:22 Барселона убедлива во осминафиналето на „Кралскиот куп“
Европскиот и шпански првак, Барселона со победата од 4:0 постигната синоќа на „Камп Ноу“ е чекор до пласман во следното коло во Купот на Шпанија.
Во првиот натпревар од осминафиналето, Каталонците со по два гола на Сеск Фабрегас и Лионел Меси ја поразија Осасуна.
На вториот натпревар одигран синоќа Реал Сосиедад ја победи Мајорка со 2:0.
Резултати на дуелите одиграни во вторникот: Албасете - Атлетик Билбао 0:0, Мирандес - Расинг Сантандер 2:0, Алкоркон - Леванте 2:1 и Реал Мадрид - Малага 3:2.
Вечерва се играат последните два натпревара од оваа фаза: Кордоба - Еспањол и Валенсија - Севиља.
Реванш натпреварите се играат од 10 до 12 јануари.
|
