13.01.2012, 11:43 Жерар во Ливерпул до крајот на кариерата
Двете страни притоа не соопштија на колку години е потпишан новиот договор
Долгогодишниот капитен на Ливерпул, Стивен Жерар (31), го продолжи договорот со англискиот фудбалски гигант и најверојатно ќе остане на „Енфилд Роуд“ до крајот на кариерата. Двете страни притоа не соопштија на колку години е потпишан новиот договор.
Жерар цела кариера е во дресот на Ливерпул. За „црвените“ дебитира во ноември во 1998 година и досега одигра 566 натпревари и постигна 144 гола. Со Ливерпул ја освои Лигата на шампиони во 2005 година, а има и две титули во ФА купот и една во купот на УЕФА. Негова неостварена желба останува шампионскиот трофеј во Премиерлигата. За англиската фудбалска репрезентација забележа 89 меча и 19 погодоци.
|
