09.01.2012, 10:48 Барселона без победа во градското дерби
За европскиот и шпански првак ова беше петти нерешен резултат сезонава и сега се наоѓа на пет бодови зад лидерот Реал Мадрид.
Европскиот и шпански првак, Барселона на уште еден натпревар на гостински терен не успеа да забележи победа. Синоќа во градското дерби во рамките на 17.коло на Примера, Каталонците одиграа само 1:1 со Еспањол.
Барселона поведе во 16. минута преку Сеск Фабрегас, а домашните израмнија преку Алваро Васкез во 86.минута. За првакот Барселона ова беше петти нерешен резултат сезонава и сега се наоѓа на пет бодови зад лидерот Реал Мадрид.
На другите натпревари од оваа рунда во Примера беа постигнати следниве резултати: Бетис – Спортинг Хихон 2:0, Виљареал – Валенсија 2:2, Хетафе – Атлетик Билбао 0:0, Рајо Ваљекано – Севиља 2:1, Малага – Атлетико Мадрид 0:0, Реал Мадрид – Гранада 5:1, Леванте – Мајорка 0:0, Реал Сосиедад – Осасуна 0:0 и Расинг Сантандер – Сарагоса 1:0.
Табела: Реал Мадрид 43 бодови, Барселона 38, Валенсија 34, Леванте 30, Осасуна 26, Малага 25, Севиља 24, Еспањол 24...
|
