09.01.2012, 15:13 Пол Сколс ја прекина пензијата
Ветеранот со тимот од „Олд Трафорд“ постигна договор за настап до завршување на тековната сезона.
Пол Сколс (37), кој на крајот на минатата сезона објави крај на кариерата, реши да се врати на фудбалските терени и повторно да заигра за својот поранешен клуб Манчестер јунајтед. Со тимот од „Олд Трафорд“ тој постигна договор за настап до завршување на тековната сезона.
„Фантастично е што Пол донесе ваква одлука. Успеа да се одржи во добра форма, а јас отсекогаш верував дека тој има сили во себе за уште една сезона. Прекрасно е што ни' се врати“, изјави менаџерот на „црвените ѓаволи“ Сер Алекс Фергусон.
Сколс во изминатиот период играше и тренираше со резервните фудбалери на Манчестер јунајтед. Се' уште се наоѓа во играчка форма, а неделниот дуел против градскиот ривал Манчестер сити во ФА купот го дочека од клупата. Во возбудливите 90 минути јунајтед на крајот го совлада бранителот на тронот со 3:2, а Сколс го одигра второто полувреме за составот на Фергусон.
|
