16.01.2012, 12:35 Сан Антoнио несовладлив пред своја публика
За синоќешната победа против Феникс (102:91) најзаслужни беа Тим Данкан со 24 поени и 11 скокови и Тони Паркер со 17 поени и 9 асистенции
На трите ноќешни натпревари во НБА лигата гостински победи забележаа екипите на Голден Стејт и Јута, додека Сан Антонио ја продолжи одличната серија од девет натпревари без пораз на домашен терен.
Интересен е фактот дека по 13 досега одиграни натпревари Сан Антонио има забележано девет победи и тоа сите пред домашната публика, а четири порази, сите на гостински терен.
За последната победа против Феникс (102:91) најзаслужни беа Тим Данкан со 24 поени и 11 скокови и Тони Паркер со 17 поени и 9 асистенции, додека кај Феникс се истакнаа Гортат со 24 поени и 15 скокови и Неш со 20 поени и 10 асистенции.
Јута ја забележа осмата своја победа на последните девет натпревари, овој против Денвер со 96-106, и тоа благодарение на 14-те поени на Милсап во последната четвртина од средбата.
За триумфот на Голден Стејт најзаслужни беа Ли со 24 и Елис со 22 поени.
Резултати: Сан Антонио - Феникс 102:91, Денвер - Јута 96:106, Детроит - Голден Стејт 91:99
|
