03.01.2012, 11:22 Најмалку 13 загинати во сообраќајна несреќа во Кина
Најмалку 13 лица загинаа, а 41 се повредени денеска при судар на камион и автобус во централниот дел на Кина, соопштија локалните власти.
Несреќата се случила во провинцијата Хунан кога камионот преминал во спротивната страна за движење на автопат и дирекно удрил во автобусот.
Локалните власти наведоа дека деветмина загинале на самото место на несреќата, додека уште четворица им подлегнале на здобиени повреди на пат кон болница.
Безбедноста на кинеските патишта е на ниско ниво, а како причини за големиот број судари се посочуваат лошо оддржуваните сообраќајници и непочитувањето на прописите.
|
