05.12.2011, 13:56 Саваидес: Целта на тужбата беше да се избегнат преговорите за името во ОН
Амбасадорот Јоргос Саваидис, застапник на Грција во спорот пред Хаг, по објавувањето на пресудата изјави дека тужбата на Македонија против Грција пред Меѓународниот суд на правдата била политички мотивиран план за избегнување на преговорите за прашањето за името под покровителство на ОН.
- Наместо да прговара со добра волја, Македонија започна правна постапка за да ги запре преговорите. За среќа, Судот денеска повика на преговори под покровителство на ОН, и Грција ќе го стори тоа. Ја повикуваме Македонија да не ја користи денешната пресуда за да ги избегнува преговорите, рече Саваидис.
И покрај одлуката на Судот, Саваидис ја обвини Македонија дека „од поднесувањето на тужбата до денес се ангажирала во невидено националистичко и непријателско однесување кон Грција и била узурпирана грчката историја и симболи, особено преку изградбата на споменици во Скопје“.
|
